संदिप (आबा) सातव, हे गेल्या 15 वर्षांहून अधिक काळापासून समाजसेवा आणि लोकहितासाठी काम करत आहेत. ग्रामपंचायत सदस्य-उपसरपंच म्हणून काम करत असताना आबांनी वाघोलीचा गावाचा चेहरा-मोहरा बदलण्याचं काम केलं आहे. शालेय व शैक्षणिक जीवनापासूनच सामाजिक बांधिलकी मनाशी बाळगली. बीजेएस कॉलेजमधून शिक्षण पूर्ण करून समाजकारणात पाऊल टाकलं आणि तेव्हापासून सेवा, संघर्ष, नियोजनबद्ध विकास आणि जनसंपर्क हेच संदिप सातव यांचं ध्येय राहिलं आहे.

वाघोली ग्रामपंचायत सदस्य व उपसरपंच म्हणून काम करताना वॉर्ड क्र. 6 मध्ये 24 कोटींचा निधी आणून रस्ते, पाणी, ड्रेनेज, उद्यान, गॅस लाईन, पाणी लाईन, भाजी मंडई शेड यांसह अनेक महत्त्वाच्या पायाभूत सुविधा निर्माण केल्या. वाघोलीचा पुणे महानगरपालिकेत समावेश झाल्यानंतर शासन नियुक्त समितीवर सदस्य म्हणून निर्णायक भूमिका बजावली. भाजप युवा मोर्चा, पुणे जिल्हाध्यक्ष या नात्याने उत्तर पुणे जिल्ह्यातील युवकांसाठी नोकरी, शिक्षण आणि पक्षाच्या कार्यकर्त्यांचे संघटन यासाठी योजनाबद्ध कार्य केलं.