वीजपुरवठा

वाघोली परिसरातील नागरिकांना गेल्या काही काळात वारंवार वीजपुरवठा खंडित होणे, कमी व्होल्टेजने वीजपुरवठा, खराब ट्रान्सफॉर्मर, डी.पी. व रखडलेली स्ट्रीट लाईट कामे यांसारख्या समस्या जाणवत होत्या. या अडचणींमुळे नागरिकांचे दैनंदिन जीवन विस्कळीत झाले होते.

विशेषतः मदर मेरी सोसायटीमधील ट्रान्सफॉर्मर अचानक बंद पडल्याने संपूर्ण परिसराचा वीजपुरवठा खंडित झाला होता. नागरिकांनी तातडीने संपर्क साधल्यानंतर, मी स्वतः महावितरण अधिकाऱ्यांशी त्वरित संपर्क साधून पाठपुरावा केला. महावितरणच्या सहकार्याने त्या ठिकाणी नवीन 315 केव्ही क्षमतेचा ट्रान्सफॉर्मर बसवण्यात आला आणि वीजपुरवठा पूर्ववत करण्यात आला. या कामासाठी आवश्यक जागा उपलब्ध करून दिल्याबद्दल श्री. मारुती विठोबा सातव यांचे विशेष आभार.

गणेश नगरमधील साईराज पार्क (1, 2, 3), समर्थ पार्क, आदर्श पार्क, इंकाई सोसायटी आणि गणराज पार्क या परिसरातही वारंवार वीजपुरवठा खंडित होणे व व्होल्टेज समस्या जाणवत होत्या. या सर्व बाबी लक्षात घेऊन महावितरणकडे सातत्यपूर्ण पाठपुरावा करण्यात आला. त्याचा परिणाम म्हणून या भागातही नवीन ट्रान्सफॉर्मर बसवण्यात आले, ज्यामुळे नागरिकांना मोठा दिलासा मिळाला.

तसेच, गुलमोहर पार्क सोसायटीमध्ये डी.पी. व स्ट्रीट लाईटच्या समस्यांमुळे नागरिक त्रस्त होते. या संदर्भातही महावितरण अधिकाऱ्यांशी वारंवार चर्चा करून, पाठपुरावा केल्याने नवीन डी.पी. बसवण्यात आली. या सकारात्मक कामगिरीमुळे गुलमोहर पार्कमधील नागरिकांनी समाधान व्यक्त करत सन्मान देखील केला.