महिला सक्षमीकरण

वाघोलीमध्ये प्रथमच मोठ्या स्तरावर आयोजित Wagholi Flea Nest 2025 हा एक आगळावेगळा उपक्रम ठरला. महिला उद्योजिकांना आपल्या उत्पादन- सेवा याद्वारे थेट ग्राहकांशी संवाद साधण्यासाठी मजबूत व्यासपीठ मिळावे हा या उपक्रमाचा मुख्य उद्देश होता. या फ्ली मार्केटमध्ये 200 हून अधिक स्टॉल्स उभारण्यात आले, जिथे स्थानिक महिला उद्योजिकांनी खाद्यपदार्थ, हस्तकला, वस्त्र, सजावटीच्या वस्तू, बेकरी उत्पादने, सौंदर्यप्रसाधने इत्यादी क्षेत्रांमधील आपल्या कौशल्याचे प्रदर्शन केले. 20,000 पेक्षा अधिक नागरिकांनी कार्यक्रमाला भेट दिली, ज्यामुळे वाघोलीच्या सांस्कृतिक आणि आर्थिक व्यवहाराला मोठी चालना मिळाली.

या उपक्रमाला लाभलेला उत्स्फूर्त प्रतिसाद पाहता, Wagholi Flea Nest हा कार्यक्रम दरवर्षी अधिक व्यापक आणि आकर्षक स्वरूपात घेण्यात येईल, असा संकल्प करण्यात आला आहे.